8
మధురం నీ నామామృతం
మధురం నీ గానామృతం
మధురం నీ వీక్షణామృతం
మధురం నీ కరుణామృతం
డాంబికాల బరువులతో డస్సిన ఈ బ్రతుకులో
ఆర్తి హరా! నీ చూపుల పలకరింపు లెన్నడో?
ఆలోచన కందని అందమా! గోవింద స్పందమా!
ఈ బ్రతుకున నీ చిరునవ్వులు చిమ్ముట ఎప్పుడో?
* * * * * * * * *
పీతాంబరా! గోకులము ముంగిట ముత్యమా!
ఈ ‘రంగ’ని అంతరంగమును హృదయంగమము జేయరా!
ఈ భావ బీజాలను నీ హృదయాన రంగరింతు
నీవుదప్ప నాకు అన్యులెవరురా? శరణు! శరణు!!
"సర్వం శ్రీకృష్ణార్పణ మస్తు!"